كلام كتبه أبي و أرادني أن انشره

الى أقباط مصر
مسلمين و مسيحيين
اننا امام لحظة فارقة في تاريخ مصر
اما ـن نكون أو لا نكون
نكون بوحدتنا وبالإحتلاف لا نكون
نريد أن نكون


طبعآ بابا لسة عايش في الزمن اللي كان المصريين فيه بني آدمين مش مخلوقات هلامية ماتعرافلهاش رأس من ديل ذي دلوقتي

مبدئيآ انا مش مصدقة ان حد مصري عملها
مش علشان احنا ناس متسامحين ولايونكن نعمل كدة
كلآ باتآ
احنا مخنا أكثر دموية من التفجير ده
احنا لو طولنا و أؤكد على لو طولنا حندبح بعض و ناكل لحم بني آدمين على العشاء

المشكلة ان القهر اللي عايشين ليل نهار فيه معيشنا في حالة من ال
passive aggression
أو العنف السلبي
عايز تعذب مسيحي و شايف انه سبب القرف اللي انت فيه و واخد شغلك
نقصه في امتحان شفوي علشان مايتعينش و اخواتك المسلمين يتعينوا
رازيه في الدكتراه و سقطه لغاية مايسيبلك البلد باللي فيها
بيعله حاجة مش تمام
لو انت موظف بصله بصة مش تمام و قله فوت علينا بكرة يا سيد

و لما يمشي امسك ودن زميلتك و قولها يا ساتر المسيجين دول ماحبهومش أبدآ تلاقي الراجل من دول سايب مراته تلبس اللي على مزاجها واحنى نتفتن
لكن واحدة زيك شوفي ملفوفة ازاي بس محتشمة تروح هي ضاحكة ضحكة رقيعة و تقولك اختشي


و لو كنت عايز تعذب مسلم
أول ماتمسك موقع قيادي في أي شركة جيب زمايلك في الكنيسة و شغلهم
وأي مسلم يجيلك يقدم في شغلانة مهما كان عبقري طلع فيه القطط الفاطسة و ماتعينوش
هما ايه مش كفاية مكوشين على البلد و مش بيعينونا فيها

و لو بالصدفة وقعت تحت ايد استاذ شريف في الجامعة و اتعينت لازم تسقط كل المسلمين اللي تحت ايدك
اومال ايه يجب ان ننتكم
قول نكتة مش تمام تتريق بيها على دين الآخر و أصحابك يكركروا
ارفض انك تدفع لشحات فلوس لمجرد انه مش على دينك

لو عايز تدافع عن دينك
خللي العدرة تظهر
جيب شجرة مكتوب عليها الله أو جيسوس
ابعت رسالة تليفونية مكتوب فيها
"الحمدلله لقد هزم الله الكافرين بكفرهم و وجد رسام كاريكاتير المسيء للرسول محروق في شقته ارجو النشر و لك الأجر و الثواب"

هو ده المصري حاليآ و هي دي طرقه في العنف
سلبي الى أقسي درجة
عايزينه يفكر و يخطط و يتعور دم؟؟؟

صعب
لازم يكون قضى الثلاثين سنة اللي فاتت برة البلد دي


و لو فرضنا ان مصري سلفي جزمة عملها
الحكومة في بلد الأمل و الأمال راحت فين؟
فين وزير الملابس الخارجية؟
كان في الحمام ساعتها؟
وللا لما لاقانا هدينا كدة قال نشغلهم شوية أحسن يكون لسة فيهم حيل و مخ يفكروا في الزل و القهر اللي عايشين فيه و الوضع المزري اللي عايشين فيه

اهو تفجير يخليهم ياكلوا بعض أحسن

و ننهبهم على راحتنا
بلد تربي البارانويا!

طبعآ أكيد لسة في ناس محترمة و شريفة
صحيح سلبية بس شريفة و عادلة
صحيح بيقللوا بس موجودين