المرأة عبارة عن زجاجة بفللة تنتظر الهمام ليأتي فيفتح الفللة ثم يقربع الزجاجة على كيفه



على الماشي:

د: لازم تعملي العملية
البنت: ماينفعش غشاء البكارة هيتقطع
د: هتموتي النتي بتنزفي
البنت: ماقدرش
د: يا ستي هنرقعلك واحد غيره
البنت: لأ اللى هيتجوزني هيعرف اني مرقعة:
د: لا هيعرف ولا حاجة و لو عرف هديكي شهادة من المستشفى
البنت: محادش هيصدقني
د: الله يلعن المجتمع هتموتي
البنت: أنا آسفة ماقدرش

و ماتت البنت

..........................................
هو: البنات كلها عبيطة
هي: يا سلام مانا ممكن اروح قايلة الولاد كلها عبط
هو: لأ بس البنات بيضحك عليهم بكلمتين
هى: الولاد كمان
هو: دانا ضحكت على ربع بنات مصر ولا بنت طلعت فيهم ذكية
هي: عبيط...... عارف ايه المشكلة.ان البنات اتربوا في مصر على انهم لازم يبقوا اغبية عشان يعجبوا الولاد و بما انهم اتربوا ان اقصى آمالهم هي الحصول على ولد فا بيستغبوا
هو: آآه هما البنات الأذكية دول اللي يتخاف منهم....... و بعدين احنا اتفقنا انك مش بنت
هي: ايه؟؟
هو: هو احنى ماتفقناش على الموضوع ده ولا ايه...... انتي فيكي جمال البنات و ذكاء الولاد
هي: ده على أساس انك ذكي و ان دي مجاملة؟
.............................................


د: انتي ماعرفتيش رأي ش في موضوع الدويقة هههههه
ر: ايه؟
د
: بيقولك دول أحسن انهم ماتوا عشان الناتشورال سيليكشون
ر: ده على أساس انه المفروض من الناتشوراللى سيليكتيد ؟
ش: أكيد
ر: وانت ايه لازمتك في الحياة انشلء الله
د: ماهو ن سألته نفس السؤال و رد عليها رد كانت هتضربه
ش: أصلي هبسط البنات
ر: مش فاهمة
ش: لأ ماقدرس أقول..... هاقول ل د في ودنها
د: ههههههههه
..................................

ملحوظة: الناس الي قالوا الكلام ده من شرائح مختلفة علميآ و ماليآ و حتى خلقيآ في المجتمع
..................................

حاجة لسة واخدة بالي منها في رجال الشارع المصري
الراجل يقبل اي سب
سواء للأب أو للأم
سب للدين
اتهام ليه بإنه شاذ مثل شتيمة ال خ
اتهام ليه بانه يساعد على الرذيلة او بقرون مثل شتيمة ال ع
يقبل أي شيئ الا شتيمة واحدة قد يطلق فيها زوجته او ينهار عصبيآ لو قيلت له
..................................................

عيني على بلد كل انجازات أفرادها و شرف أفرادها و ذكاءهم و أدبهم و أخلاقهم بينحصر فى حتة معينة
...........................................

آخر احصائية لنسبة الرجالة للستات في مصر
0-14 years: 31.8% (male 13,292,961/female 12,690,711)
15-64 years: 63.5% (male 26,257,440/female 25,627,390)
65 years and over: 4.7% (male 1,636,560/female 2,208,455)
(2008 est.)

جايز كلمة حق تخرس كل الأغبياء دعاة زواج الراجل لأكثر من واحدة لأن نسبة الستات أعلى من الرجال

أخي المسلم هههههه من فضلك لا تتزوج أكثر من واحدة لأنك بذلك تضيع الفرصة على أخيك للزواج مما يؤدى الى توجهه الى شرم الشيخ و الغردقة و الاختلاط بالروس و بنات شرق اوروبا وليعاذبالله و التقاط عدوى الايدز
و انتشار الرزيلة فى المجتمع

أي كلمة من أي مخرف يقولك البنات كتير و دي من علامات الساعة و الأي كلام ده هخرمله عينه وأكسرله الساعة

و دمتم!