اللاجئين السودانيين الى دخلو اسرائيل و الفلسطينيين الى مش عارفين يدخلوا غزة
كفرت
أديت صلاتى الأخيرة ثم كفرت
و سحبت قرابينى فلم أعد أهتم
جفت دموعى من طول اعتكافى و سئمت
سئمت من كل هذه الآلهة الصماء
كفرت
هجرت محرابى
لا أريد جنة ولا نار
لم أعد أهتم
تحررت
و ألحدت بكل أفكارى السابقة
هذا الاه الفضيلة أكسره بفأسى و أبصق على رب الشرف
اخوة عروبة نخوة وطنية !
ليست الا تماثيل من طين وجدت عليها آبائى
ها أنا اترك ملتهم و أقرأ فالدين الجديد
فرق تسد
اقتل ضميرك و نم
بع أخاك فى سوق النخاسة واطلب اعلى ثمن
اللاجئين كالأشياء الزائدة
مكانها سلة المهملات
الدنيا متاع و لكل شيئ ثمن
للأوطان ثمن و للخيانة ثمن
الا الانسان بلا ثمن
لا يوجد شئ اسمه وطن
وطنك هو اعلى سعر تبيع به نفسك
الغاية أصل الوسيلة و البقاء للأغنى
ولا عزاء للشرفاء
" طبعآ مش شعر ده نرفزة "
أنا مش بلوم السودانيين احنا الى عملنا فيهم كدة
ماعرفناش نستحملهم و دبحنا فيهم
دمهم الى فى ميدان مصطفى محمود لسة مانشفش
عمومآ بلد بتموت فى ناسها هتستحمل الى جايين عليها!!
ايه يعنى اغتصاب جماعى فى دارفور
ايه يعنى حرب اهلية طاحنة و مرض و مجاعة و تقتيل
ناخودهم هما و عيالهم و نسجنهم
سوادنة زبالة اخص عليهم اذاى يهربوا من بلدهم عيب عليهم والله
انا معانديش مانع يروحوا إسرائيل هما أحرار
بس لما يكون بلاد عربية و مسلمة طويلة عريضة بعضلات مليانة فلوس و محادش يعبر اللاجئين دول اكنهم زبالة مش بانى أدمين
ولما يكون الرئيس بتاعنا متشملل و شغال يمين وشمال وسيط الشوم واللوم عشان حل الأزمة السودانية
ولما يكون كل يوم اجتماعات عشان شفط كنوز دارفور فى فرنسا و الأمم الملتحدة
يبقى عيب أوى الناس دى تموت ذى كلاب السكك كدة و بعدين ندبحهم عشان هربوا لاسرائيل
أما الفليسطنيين
فأحب أحيى و أقبل أيدى الحكومة المصرية الباسلة على دورها البطولى فى تجويع الأطفال وقتل المرضى و تشريد الأسر عن بعضها
عشان يعاقبوا حماس الكخ عن السيطرة على غزة
ددة يا حماس عيب كدة يا ماما زعلتى حسنى وآدى مواطنين غزة بيموتوا بسببك
أما بالنسبة للحكومة الكويسة بتاعتنا
فلسطنيين عالحدود و لاجئين سوادنا و أمن قومى مهدد و عشوائيات و ناس بتموت من الجوع ورشوة وفساد و محسوبية وهوة بين طبقات الشعب وقتل و تعذيب و كمان احتباس حرارى و تلوث
كان الله فى العوز يا فندم