أولآ اضراب امبارح نجح على الأقل في تجميع الشعب على حاجة واحدة حتى لو بسيطة
نجح في كسر حاجز الشرذمة المصرية عقبال مايكسر حاجز الخوف
بالنسبة للمحلة
المشهد الأول
عربيات أمن مركزي تمشي على كوبري العباسية تنقل مجموعة من المدنيين و معظمهم ذوي ندبات في الوجه
المشهد التاني
شبه مظاهرة متوقعة في التحرير و مجموعة من المدنيين ملتسقة بجموع الأمن المركزي تنتظر شيء ما
مشهد قديم و متكرر
مجموعة من أي ناشطين في أي انتخابات تخطف على يد المدنيين ذوي الندبات
مشهد أسمع عنه دائمآ
أحياء كاملة في القاهرة و محافظات مصر يمارس فيها جميع أنواع الرذيلة و البلطجة لا يحاكم ساكنيها و لا يدخلها الأمن كأنه اتفاق ضمني
سلكلي الإتخابات و المظاهرات وأنا أسلكلك أمورك
المشهد في المحلة
الشوارع خالية
المحال مغلقة
إنتشار أمني كثيف
فجأة و عند طلوع العمال من وردياتهم يحدث هذا الانفجار
المدنيين ذوي الندبات ظهروا فجأة
طلقات نار
مظاهرات
اصابات
حجارة
مشهد لا يقل قسوة عن أحدات الإنتفاضة في فلسطين
توقعات
التخريب الهائل الذي حدث
70% من البلطجية بايحاء أمني
20% أطفال شوارع
10% من أهالي المحلة
حقائق
البلطجية عليهم أحكام -
الحكومة اللي اتشطرت على الناشطين و قبضت عليهم من جوة بيوتهم واللي كل يوم بتلم الاخوان تعرف تلمهم في ثانية و تحطهم في السجن
بغض النظر عن اني شايفة ان الاجرام الي هما فيه سببه الي بيحصل في البلد و ان معظمهم محتاجين اعادة تأهيلمش سجن بس ده مش موضوعنا

عيال الشوارع هم بلطجية المستقبل

أطفال الشوارع بياكلوا من الزبالة

أطفال الشوارع في النهاية أطفال يقلدون الكبار في الشارع

الأهالي اللي شاركوا في التخريب محبطين و مش لائيين ياكلوا

الأهالي اللي شاركوا في التخريب ذهقوا و كرهوا عيشتهم والحياة و لو حد حثهم على الانتحار هينتحروا

وعلى رأي النكتة عاش مبارك موحد الأديان

الإخوان المسلمين جبناء آسفة

و الأحزاب اللي مارضتش تشارك في الاضراب لمجرد الخروج عن القطيع عندها جنون عظمة و هبل في نفس الوقت

شيء يحاولون الطغطية عليه

عمالين يقولوا شعب المحلة لا يوافق على ما حدث

شعب المحلة بعيد عن أحداث الشغب

مش هما دول الناس اللي كانوا قافلين المحلات و كانوا مثال حي شريف على الالتزام بالإضراب

ولا عملتوا كل الهلليلة دي عشان تمحوا انجازهم و التزامهم بمعارضة الحكومة

تعليقات
" احنا كنا عارفين ان الشرارة هتبدأ من المحلة "
لواء شرطة و نائب مجلس شعب للحزب الوطني عن المحلة للعاشرة مساءأ
" هم برضه حرامية ذي اللي حصل في سبعة و سبعين "
لواء شرطة لنفس البرنامج
" اللي نزلوا و خربوا ناس معروفين و الحكومة عارفاهم "
مواطن من المحلة
" المحلة فل و اللي خربوا دول مش من البلد"
و الريس فل و الحكومة فل و الشعب ابن كلب
" الحكومة هي اللي بادية و احنا مش بلطجية احنا صنايعية و عمال محترمين و الحكومة مش حاسة بينا الأسعار نار"
واحد من المحتجين
" ينزلوا الأسعار يطلعوا الأسعار هما حرين انا إبني بعته يجيبلي الروشتة عقبال محاضرله العشاء و مجاش"
مثال خنوع الست المصرية مواطنة من المحلة
حقائق تاريخية
الثورة الفرنسية اللي كان شعارها حرية و عدل و مساواه قامت على رفات آلاف من المواطنين
من كذا سنة الأرجنتين حصل فيها مظاهرات عشان الأسعار
آه حصل تكسير و بهدلة بس الحكومة رضخت
مافيش حرية من غير دم
و على رأي ابراهيم انا لا اريد سلام انا اريد مساواه و عدل
أخيرآ
أهل المحلة رجالة
عمال المجلة أبطال
الناس اللى هتفت ضد الغلاء مش بلطجية
الناس اللي قفلت محالاتها و استجابت للاضراب مش بلطجية
الناس اللي نزلوا من بيوتهم بعفوية عشان يغيروا مش بلطجية
اللي ضربوهم و اطلقوا الرصاص عليهم
اللي وصاوهم لهذا الحد من المهانة هم اللي بلطجية
لست من دعات العنف و تخريب الممتلكات لكن هناك واقع حتى في الثورة الهندية السلمية حدث عنف
العنف صفة انسانية غير مبررة و ابغضها لكنها واقع يجب ان يحدث
لن تأتي حقوقنا على طبق من ذهب مع خالص تحيات الحكومة لمجرد اننا قررنا اللا نصبح سلبيين يوم في حياتنا
النتائج السريعة مستحيلة و ان اتت فهي غالبآ ذائلة
الطريق للحرية بدأ يوم ستة ابريل و امامنا خيارين
أما ان نرضخ للنظام و نسمح له بتسفيه ما حدث
و اما أن تبدأ ثورة الجياع بالفعل
أعرف ان هناك من سيقول ايه الهبل ده العب المصري شعب ساكت و عمره ما هيتغير
لكن من حقى الأمل و العمل على تحقيق الأمل كي أشعر بانسانيتي على الأقل
PS:
آخر حتة وسعت شوية اعذروني الساعة واحدة بليل