انتهى مؤتمر أيام اشتراكية و معه الأحلام الوردية مش عارفة ليه وأنا قاعدة حاسيت انى عازة أقول "أهو ده آخرة مجانية التعليم فيكوا يا كلاب" الموظف كان ذى الفل يادوبك بيفك الخط دلوقتى كله بقى بيقرأ و دش و إنترنت بقى و حركات و عرفوا الناس المفروض تعيش اذاى و اعتصامات و بيات فى الشارع من امتى يا مصر؟ أصلى لما شوفت قد ايه هما ناس بسيطة و مع ذلك بتتكلم بكل كاريزما و سلاسة لا خايفين ولا جهلة و فكرت ان الناس دى عمرها ما كانت هتنطق من غير ما كانت تتعلم و لما شوفت قد ايه هما فقراء و فرصة تعليمهم كانت هتبقى صفر لو ماكانش فيه مجانية وبالتالى أى أمل فى انهم يتحركوا كان هيبقى ميت فهمت ليه مجانية التعليم لازم تغى ما علينا

............

المؤتمر كان رائع رغم انى لم أحضر كل أيامه من كلمات كمال خليل و أبو عطة مرورآ بالعظيم عبد الوهاب المسيرى و كلمات لعمال المحلة و موظفى الضرائب و سكان البرلس و قلعة الكبش ببساتطهم و عرضهم لنضالات حقيقية كانوا جزء منها و حفلة اسكندريللا التى أبكت الكثير و صوت أحمد اسماعيل الرائع كلها أشياء أسعدتنى :]

.......

إن عام2007هو بحق عام العمال عام يفخر به الاشتراكيون سواء كانوا جزء من ما حدث أو مجرد شاهد اضرابات و اعتصامات فى كل مكان قضايا حقوق انسان و ضد التعذيب و سجن لأعضاء من السلطة التنفيذية كأنما يثبت الشعب المصرى رغم كل شيئ أنه ليس شعب من الأغنام تساق و أن الظلم لا يمكن أن يستمر طويلآ شئ يجعلك تشعر بالفخر بأنك مصرى من جديد

..............

شيء يجعلك تفكر ماذا سيحدث لو تجمع عمال المحلة و المنصورة و كفر الدوار و السكة الحديد و المترو و موظفى الضرائب العقاريةسكان قلعة الكبش و البساتين و كفر العلو و جزيرة قرصاية و سكان البرلس و سيناء وطلاب جامعة عين شمس و و العمالية و كل المحرومين و المعدومين فى هذا الشعب شيئ يجعلك تفكر فى آخر مشهد فى فيلم هى فوضى عندمى تجمع أهل حى شبرا بعد ان استجاروا فانقضوا على القسم و رغم كل المحاولات لم يفلح احد فى اعاقتهم لأن الكثرة بحق تغلب أى شيئ و قطعت يد الظالم



 .............

كان مؤتمر غنى بالمعلومات و يمس نبض الشارع رغم انى أكره الخطابات لأنها غالبآ ا خاوية من المضمون غرضها الاستهلاك محمسة للأشخاص بدون فائدة تجعلنى أشعر بالأسى على كل من يصدقها و يصطدم بالحقيقة بعد ذلك لكنى أعتقد أن معظم الخطابات كانت مفيدة و رغم انى ماليش أيديولوجية تقريبآ لكن أنا بأحيى و أنحنى تقديرآ لمؤتمر أيام اشتراكية و القائمين على تنفيذه .................

لموظفى الضرايب كلمة واحدة رغم البرد و الجوع انتوا صابرين راهنت الحكومة على نفسكوا القصير و برضه صبرتوا لا حد هيطلب منكوا تكملوا ولا انتم مسؤلين عن أحد يكفينى شرفآ انى عشت و شوفت ناس فى مصر بتتظاهر عشان حقها المشروع و لو الناس دى مشيت و رجعت بيتها بكرة هيفضلوا اشرف ناس عرفتهم فى الزمن ده
عل الأقل عيالهم مش هيتفوا غلى قبرهم لما يومتوا و من واجب كل حد شجعهم على الإعتصام انه يدعم قضيتخم لو لا قدر الله فضوه