امبارح كان عيد ميلادى ال23
ياه الواحد كبر و هيبتدى يخبى سنه

عمرى ماتصورت انى هعيش للسن ده معرفش ليه

قبل عيد ميلادى بيومين لقيت بابايا و مامتى جايبنلى بازل و علبة الوان و بيقولولى دى يا حبيبتى كانت هديتنا لبكى وانتى عندك سنة و لما لاقبا حاجة شبها قولنا نجيبهالك تانى

بغض النظر عن عدم فهمى لوجهة نظرهم قعدت اضحك و شكرتهم

و افتكرت حاجات قدييييييييمةةةة

أول حب :
كان وانا عندى سنة كان ابن عمى واكبر منى بكذا يوم كنت طول النهار احب العب معاه










أول و آخر قبلة لووول:

وانا عندى ست سنين كان نفس ابن العم و كنا اتخانقنا مع بعض جامد و خربيشما بعض
ف اهالبنا صمموا يخلونا نبوس بعض و صورونا المهم بعد مالصورة طلعت خرمت دماغه و سبت دماغى بس الصورة لسة موجودة

أول مرة حد يقولى بحبك:
كنت فى اعدادى تقريبآ و طالعة ماليحر بقى و الانسان كان شكله عار فى السن ده
لاقيت واحد جارنا كدة بيقولى
هو انت عينك لونها ايه
قولتيلوا اسود
قالى لأ شكلها أخضر فى الشمس
قولتيلو طايب
راح قايل بحبك
قولتيله ميرسى
قالى ايه الرد
قولتيله هارد عليك السنة الجاية
قال ايه ده لأ كتييييييييير
قولتيلو خلاص كمان اسبوعين

على فكرة دى مش اغرب طريقة اتقالى فيها بحبك فى طرق اغرب من كدة بكتيييييير
عشان كدة عمرى ما صدقت :]








أول عملية نصب:
وانا فى أولى ابتدائى جبت درجة مش عجبانى فروحت مزورة الشهادة و مغيرة الدرجة و خليت بابا يمضى عليها و وديتها المدرسة المهم بعدها بكذا يوم جالى استدعاء ولى أمر
مام راحت لقت مستر الساينس مذبهل كدة
ازااااااااااى طفلة فى السن ده يجيلها التفكير ده و تزور بالاتقان ده
يااااااه مستقبلى كان المفروض يبقى فى ايطاليا على الأقل كان زمانى مخلتش وثائق المافيا المهمة تظهر






أول خطة للهروب:
كنت فى تانية ابتدائى و كنت جايبة انا و صاحبتى نمر وحشة فى الديكتاشن و كنت مكسوفة من أهلى و مش عايزة ارجع البيت
المهم كان فى عمارة لسة بتتبنى حنب المدرسة فقولتلها نستخبى فيها
و نبقى نخلى العمال بتوع العمارة يأكلونا
بس المشكلة كانت هنستحم و نغسل قميص المدرسة اذاى و عشان ماكوناش متأكدين المية وصلت للعمارة ولا لأ قولنا نرجع البيت احسن


أول مقلب:
كنت انا و أختى دايمآ لما نتلم على بعض الناس تترعب من خططنا
المهم كنت انا اربع سنين و هى تلاتة تقريبآ
فى مرة كنا زعلانين من بابا مش فاكرة ليه
فقررنا نعمل اكننا بنلعب معاه و جبنا كل بنس البيت و حاطيناهالوا ثى شعره و هو مش واخد باله
كان ساعتها رايح يصلى الجمعة
هو يسجد من هنا و بنسة تقع من هنا يركع م هنا و بنسة تانية تقع

كذا مرة و هو مسافر كنا بنخبى الشنطة بتاعته او جزمته و مرة فوت ميعاد طيارة بسببنا






أول خناقة:
بعد خناقتى مع ابن عمى
كانت فى اسكندرية
كنت يا فى تالتة يا رابعة ابتدائى
المهم كنت بربى ضوافرى و أخوف بيها العيال عشان اللى يضايقنى أخربشه
الولد ده كان سخيف قوى غلس علية خربشته راح اتنرفز ضربنى ضربته
المهم الناس اتلمت و كانت خساير الخناقة بنطلونى المفضل و وشه المشوه :]






ذنكريات بقى
آه صحيح مش انا نجحت !!
أشكر كل من سألنى عن النتيجة ربنا يخليكوا
و كمان كل سنة و اختى طيبة
اصل انا اكبر منها بسنة و يوم :]