The picture is kinda wintery bs msh moshkela
كل سنة و ان مصر كلها بخير

I don't understand why I felt something very glorious and mystical in the air yesterday

دايمآ بحب شم النسيم اكتر عيد فى الأعياد

تقريبآ هو العيد الوحيد الى كل المصريين بيحتفلوا بيه

العيد الوحيد الى كل المصريين بيكلوا فيه نفس الأكل

كل المصريين بجميع ميولهم و اعتقادتهم و حتى طبقاتهم

العيد الوحيد الى الكل بيقول لبعضه كل سنة وانتوا طيبين

كل الناس بتهنى بعضها

عيد مش بيفرق بين مسلم ,مسيحى او يهودى , بهائى او ملحد او حتى بيعبد آلهه

البواب او صاحب العمارة

غنى فقير مش فارقة

الكل ماسك البصل الأخضر و العيش الصبح و رايح ياكل مع عيلته

حتى الى مالوش عيلة ممكن يجيب و ياكل لواحده


عيد مصرى خالص تقريبآ هو الى باقى لينا من ريحة اجدادنا قدماء المصريين

تحس كدة مية فى المية مصرى مافيهوش اى حاجة من برة الفسحة مصرى الفسيخ مصرى البصل مصرى العيش بلدى


كمان الجو السنة دى كان حلو قوى و الكل قدر ينزل و يتفسح


لأول مرة من زمن انظر لوشوش الناس و ألاقى معظمهم مش شايلين هم


تحس نسيوا كل حاجة و قرروا يسرقوا يوم من الزمن يريحوا فيه


ذى مايكون القدر قرر يدى المصريين استراحة محارب بعد كل المآسى الى بيعيشوها

يوم ذى الحلم

يرجعوا بعد كدة لهمومهم و أحزانهم العادية


و كل عيد و انتوا بألف خير