منقول عن المصرى اليوم:


كتب يسري البدري ٢/٢/٢٠٠٧


حدث ذلك في محطة مترو الأنفاق بميدان التحرير «السادات» في الواحدة والنصف من ظهر أمس الأول.


أمين شرطة وزميله يعتديان علي فتاة في المكتب المخصص لتأمين وخدمة المواطنين في المحطة.. والنيابة تحقق في الواقعة المذهلة حاليا.


تلقت نيابة حوادث وسط القاهرة بإشراف المستشار محمد حلمي قنديل المحامي العام لنيابات وسط القاهرة بلاغا من فتاة «هـ.ع.ع» قالت فيه إنها كانت تسير في محطة مترو السادات ظهر أمس الأول، وسألت أمين الشرطة عن مخرج مطعم كنتاكي،

فأجاب وهو يشير إلي غرفة مكتب الأمن «هذا هو مطعم كنتاكي»، فردت الفتاة قائلة «مش عيب كده».. فقال لها وهو يجذبها من ملابسها ويدفعها إلي داخل المكتب «إيه هو اللي عيب».


ألقي أمين الشرطة بالفتاة داخل الغرفة، وأغلقها وحاول الاعتداء عليها هو وزميل له «أمين شرطة ايضاً» وسط صراخها الذي وصل إلي المتواجدين بالمحطة، وقالت الفتاة في البلاغ إن أميني الشرطة مزقا ملابسها واعتديا عليها بالضرب، وتكشفت أجزاء من صدرها.


وأدلي اثنان من المواطنين تواجدا أمام المكتب بشهادتيهما في تحقيقات النيابة، أحدهما موظف في وزارة الخارجية، وسيدة شهدت الواقعة، وقال الشاهدان: إن الفتاة كانت تصرخ داخل المكتب، وأنها خرجت وصدرها عار تماما، وأن أمين الشرطة كان يضربها علي وجهها.


وتواصل النيابة تحقيقاتها في الواقعة، وأمرت بحبس أمين الشرطة الأول علي ذمة التحقيقات، وضبط وإحضار الأمين الآخر.


..............
امين شرطة؟؟
يا ولاد الك*ب!!!! (لأ الكلب و أنثى الكلب أنضف بكتير من إنهم يتقرنوا بمثل هؤلاء

أمين شرطة؟؟
أقول إيه ؟؟؟
أتكلم بلغة العاجز و أشتم؟
طيب أشتم بإيه؟
بالأب و للا بلأم و للا بال****
طيب أشتم مين؟
الحكومة؟ الرئيس ؟ العادلى؟ الشرطة ؟ مصر؟ التقاليد المتخلفة؟
وللا ألعن كل الرجالة؟؟


دى مش أول مررة يحصل حاجة كدة مع امين شرطة أو أمن مركزى؟

وانا و صاحيبتى فى معرض الكتاب قالنا "يا رب يجيلك سفاح المعادى!!"

لما بمشى قدام أى قسم لازم بتعاكس!!! أكنه تراديشن.


أنا كرهت نفسى.
بكرة يطلعلك واحد فى التلفزيون يقولك ما هو البنات السبب لازم يتغطوا... ماحنا بلد ماشية بالمقلوب .

يسيبوا البلد الخربانة يسيبوا النهب يسيبوا الرجالة الى عقلها بقى فى.... رجليها و يمسكوا البنات!! لإمتى؟ لإمتى هنفضل نحاسب الضحيية ؟ لإمتى هنفضل نجلد البنت ؟

أيوة هى غلطانة و أهلها ماعرفوش يربوها فجه أمين الشرطة و نفذ العقاب الإلاهى! براااااافووووووو!!!
إدوله نيشان بقى
.
ممكن بكرة كمان واحد سايكو يطلع يقولك عارفين لو جوزنا الرجالة أربعة مش هيبصوا لستات تانية و يغتصبوهم!!
أو مثلآ يقولك قعدوا الستات فى البيت أهو منه يقضوا طول النهار فى تجميل أنفسهم و منه يسيبوا مكان شغلهم للرجالة (بتقولوا فيها دكتور محترم فى كليتنا المصونة قالها!! )

ماحنا لازم نريح الزبون الراجل الحيلة الى مانقدرش نعيش من غيره ماهو ضل .... ولا ضل حيطة.

ونقتل الست بقى نحرقها ما هى كدة كدة فى جهنم.... مش هى واقود النار ولا إيه؟؟

ولا أقولكوا نوئدها ذى العرب فى الجاهلية؟
ولا نعمل ذى طالبان أحسن؟
ولااا نعمل حفرة كبيرة و ندفنهم و نولع فيهم و يستريح الرجالة بقى...




بلا قرف... مش عارفة البلد دى فاضلها إيه كمان و تبقى ملعونة آآل زمان كانوا بيقولوا ولا شيكاغو دلوقتى هايقولوا ولا التحرير.
واحدة الظهر يا كفرة؟!!!!!!



كفا
ية كدة!!