ب و م و أقوال مأثورة أثرت فى حياتى.(تخاريف مسترسلة):
كيف تزوج ب و م
" هيه كويسة بس أفكارها و أيديولجيتها مش ذى أفكارى ولا تطلعاتى. "
" بص مفيش جزمة مقاسها 42 بالظبط"
الكلمة الى خلت "ب" يقرر يتجوز "م" .
" الله دا شعره عامل ذى اللبنانيين وافقى "
"sha3ro aka his hair not his poetry"
الكلمة اللى خلت "م" توافق تتجوز "ب".
"جوازى من بنتك يا عمِى جواز كاثوليكى لا ينتهى إللا بموت أحد الطرفين"
دى الكلمة اللى طمنت ج على الجوازة!!
" قولى لمامتك انها متجوزة ابن بهوات و بشوات " ...
... "بشوات فين مش شيفاهمّّ و بعدين قولى لباباكى انى مش أى حد و اذا كان هو من البشوات فانا من الأشراف "...
حدث بالفعل... أيوه فى ناس بتقول الكلام ده لبعض........... "أساس أى مشكلة عربية إسلامية صراعات على تاريخ مضى و أمجاد أشخاص ماتوا من أزل ".
" هو طه يس رمضان ده سنة وللا شريعة (شيعة)؟؟ " ...... "معرفش يا ننا ولله".
من 86 سنة مكانش حد فى مصر يعرف الفرق و لا حسة اننا استفدنا اى شئ لما عرفنا !!
.............................................................
" ما هو أصل الناس دى لو ما زعقتيلهومش و ورتيهم إنك معاكى واصتة جامدة ولا هيعبروكى "
كلمة أصحابى المشهورة عن موظفين شؤون الطلبة !
.......
سكرتارية رئاسة قسم الأطفال:
" انا معاية شهادة مرَضى بتأجيل الإمتحان بقالى شهر و كل مرة آجى اقدمها ملاقيش ولا موظف و بلاقى الباب مقفول . "
" نااااااااااااااعاااااااااااااااااامممم!!!!!!. انت بتيجى الساعة كام؟"
" قبل 12 "
"بقولك ايه إحنا مش بنمشى قبل 2.3 او 3 "
" حضرتك الباب بيبقى مقفول "
"آآه أصل فى الأيام الى فاتت كان عندنا إجتماع موظفين "
"إجتماع لمدة شهر؟؟!!!!!! "
" المهم انتى قولتيلى انت جاية عشان ايه؟ "
" الشهادة المرضية "
"آااااه دى بقى من تخصص الأستاذ جمال و هو مش موجود دلوقتى تعالى بكرة"
"بكرة أجازة نص السنة خلاص"
"لأ لسة يوم"
"طيب فين رئيس القسم؟ "
" لا جاى بكرة ولا بعده "
"طيب و رئيسة الوحدة؟ "
"روحى دورى عليها !!!"
..................................................................
مكتب رئيسة الوحدة:
"لو سمحت فين دكتور جليلة؟"
"مش هنا انتى عايزة إيه؟؟ "
"حضرتك انا جايبة شهادة مرضى ....... بلا... بلا... "
" و ليه ما روحتيش يوم الإمتحان قدمتيها؟ "
"هاه!! ما هو اصل أنا كنت عيانة فا ما روحتش الإمتحان و بالتالى ماروحتش أودى الشهادة"
تنظر السيدة فى لا مبالاه " ألو هنا قسم الأطفال أنا كنت عايزة ........ "
" !!!! طيب بالإذن !!!! "
..................................................................
أنا لم أعرف أن المرأة متهضة فى مثر غير لما دخلت الجامعة ليس لأن حياتى مثالية لكن لأن عندنا فى العيلة لما بيحبوا يتهضوا بعض الإتهاض بيكون على الكل و ليس على أساس الجنس!! (بصراحة حياتى كانت أحسن بكتير قبل ما أتعرف على العالم الخارجى) .
و أنا برتب غرفتى اليوم لاقيت جرنال مكتوب فيه :
(مصر تصرف ... مليار على المجاملات أى الأفراح و المآتم. و قد أوضح الأستاذ "....." أن رجل أعمال مشهور اقام حفل زفاف ابنته فى فندق فى دبى و تكلف نفقات تذاكر طيران المعازيم و إقامتهم و قد إستمر الحفل أربع ليال متواصلة و تكلفت الكوشة أكثر من ميليون ) آآا وانا إلى كنت بلوم نفسى إنى مش بثصرف فلوس أكتر على الCharity !!!.
بابا من كذا يوم كدة كنت أنا و هو عمالين نتكلم عن حال مصر فقسمنا البلد :
2 ميليون فهموا قواعد اللعبة و إغتنوا جامد . و دول الى بيدوا إنطباع خاطئ إن البلد إقتصادها مزدهر (مافيش بلد فقرانة ذى مصر العربيات الBMW و الPorsche و ال Ferrari و الLincoln مالين البلد ).
الطبقة المتوسطة النادرة الى حولها الإعلام و الإغراءات إلى طبقة إستهلاكية فالأب يشتغل و يطلع عينه و فى الآخر يصرف كل الفلوس على موبايل أحدث موديل أو تيليفزيون و ينتهى بيه الأمر الى مصيرين يا يصبح فقير و ينزل من الطبقة المتوسطة يا يفهم قواعد اللعبة يا لو جظه حلو أوى يسافر و حتى السفر بقى فرصة1 فى ال1000000000. و بكدة الطبقة الى هى أساس أى مجتمع و عماده الى كانت بتقوم بمظاهرات والى تعليمها و الى حد ما رفاهيتها ختها تفكر فى الحرية و التغيير بتضيع.
الطبقة الفقيرة الى فى حد ذاتها بتتقسم لطبقات كتير . هى دى الطبقة الى كل القوانين الظالمة بتطبق عليها و بتإذيها لكن للأسف مثقلة بالهموم و المرض و الجهل....... و الحرية و المساواه آخر حاجة فى تفكيرهم.
كفاية كدة أنا جالى إكتآب.......
المهم ألف مبروك لبنت خالتى الخطوبة و لصاحبتى كتب الكتاب و عقبال الباقى :-).